Shillong: Ki nongwankai sngewbha kiba pynjaboh ia ki jaka jngohkai pyrthei ha East Khasi Hills district kin shah pynshitom katkum ka kyndon 102 ka Meghalaya Police Act, 2010.
Katkum kane ka kyndon, uno uno uba leh tam sneng ia ka ain, ne ka jingbthah kaba la pynmih u ophisar pulit u lah ban shah kem bad hadien ba la shah rai pynrem ha ka Kashari, un hap siew ia ka kuna ruh kaba san hajar tyngka.
U Superintendent of Police ka East Khasi Hills u bah Vivek Syiem ha ka kyrwoh kaba la pyllait, ula mana ba baroh ki nongwankai sha ki jaka jngohkai ha ka district kim bit ban pyllong jaka shet harud surok bad pynjaboh ia ki sawdong sawkun ka mariang bad kiba leh pyrshah kin shah shim kam ha ka ain katkum ka kyndon 102 ka Meghalaya Police Act, 2010.”
Ula ong ba ki nongwankai kila shu bret pathar ia ki jaboh, ki pastik, ki jingsong jingbam bad kiwei ki kynja tiar kiba buh jingma ia ka mariang khamtam ha ki jaka jngohkai, ki lynti synkieng. Kane ka jingleh ka la ktah ia ka jingitynnad ka mariang bad ka pynsniew dur kaba lah ruh ban buh jingma ia ka jingkoit jingkhiah.
Maham u SP ia kiba pynjaboh mariang ha ka district ryngkat T. 5000 ka duna
