Shillong: Ka kashari u Chief Judicial Magistrate, East faintia Hills District, Khliehriat ka la rai pynrem ia u kpa uba la ksih na ryndang u khun ba dang lai snem kaba la jia ha u snem 2019.
Katkum ka kyrwoh na u Superintendent of Police, East Jaintia Hills District, ka kong Teilang Supuh ka la ujor ejahar ha Umpleng AD Camp halor ka jingthmu u lok jongka, ban ksih na ryndang u khun ba dang lai snem da ka jingthmu ban pyniap ia u. Halor kane, ki pulit kila pyllong ia ka jingtohkit ba la khlieh da u UBSI. L. Kharsyntiew ha Khliehriat PS.
Ki pulit kila pynngat ia une u kpa uba kyrteng u Morning War bad ha ka jingbishar ka Kashari ka la lap ba u leh shisha ia kane ka kam bad ka la rai pynrem ia u ryngkat ka kuna.
Ha kawei pat ka rai, Kashari ka la rai pynrem ia u Bun Phawa halor ka jingujor ka lok jongu, ka kong Lutmon Dkhar pyrshah ia u ba ula shoh u dat ia ka ha u snem 2019.
Ha ka jingtohkit jong ka WPI. 0. Tyngkan, ki pulit kila pynngat bad ha ka jingbishar ka Kashari ka la shem ba u leh shisha ia kane ka kam bad ka la rai pynrem da kaba set phatok lai snem ryngkat ka kuna kaba 30 hajar nalor ka 21 hajat shi tyngka.
Rai pynrem ka Kashari ia u kpa ba Ksih ia u khun ba lai snem ka rta
