Shillong: Ki khynnah skul jong ka St. Anthony’s Higher Secondary School bad ka Auxilium Girl’s Higher Secondary School, ki long ki ar tylli ki skul ba la ioh ba kin rah ia la ki nam lahduh ki jong ki, ha ka lympung ialehkai 31st State Level Inter School Karate Tournament 2025, kaba la long ha ki lai sngi jong ka taiew kaba la dep, ha Multi Purpose Indoor Stadium, ka SAI, STC, kaba don ha kut ka skul bah pule North Eastern Hills University.
Kumban shu pynkynmaw ba ha kane ka kynti kaba mynta, ka jingdon ki khynnah skul kiba la wan ban iashim bynta ka la kynjoh shaduh ka 748 ngut ba kynthup 350 ki kynthei bad 398 ki shynrang, na ki 104 tylli ki skul, kiba don ha ka jylla, kaba da kylla kan dei artad ka rekod wan iashim bynta kaba heh tam ha ka lynti iaid jong kane ka synjuk.
Ka skul kaba la wan ban bat ia ki kyrdan kaba ar ne runners up ki long ka St. Anthony’s L.P. School bad ka ka Providence School .
Ha ka sngi kaba kut, kongsan ba la wan ban iadon lang dei u bah Paul Lyngdoh, Myntri ka sorkar jylla ba dei artad u nongai ktien ka sorkar, bd ba la wan ban iadon lang u bah Aiborlang Shabong, Chief Accounts Officer, MeECL, Shillong, bah Finely L. Pariat General Secretary ka Meghalaya State Olympic Association.
Ha kaba kut jong ka jingiakhun phainal baroh, la uioh ruh pat sa ia ka jingsam ia ki takma bad kumjuh ki trophy.
Nalor katta ka AMKA ka la wan ruh shakhmat ba kan sam ia ki khusnam Best Karateka bad ki khynnah ialehkai kiba la ioh ba kin rah ia kine ki nam mynta ka kynti ki long Best Karateka (Boys Junior) : Royal Jayden Laloo Seven Set Higher Secondary School, Boys Senior Daniel Dabiangbha Warjri St. Anthony’s H.S. School, Girls Junior Princey A. Blah Pohti Pine Mount School, Girls Senior Iwannaki L Khongji St. Anthony’s H.S. School.
Shongshit ka lympung Karate jong ki skul ha ka jylla
