Shillong: Mynta ka step, ki briew kila lap kyndit ia ka met jong uwei u nongdie um na ka pung kaba khot ka Pung Umjynrud Mawpat.
Kane ka jaka ka iakhap hapdeng ka Langkyrding Mihngi -2 bad ka Mawpat. Ia ka met jong u, la lap da uwei u briew uba leit sha katei ka jaka mynta ka step.
Katkum ka jingtip, une u briew u sah ha Langkyrding Mihngi ka Block-V bad la khot sin ia u kum u bah Hep, bad u ju kamai die um ha katei ka thain.
Ki pulit ryngkat ka tnad Forensic kila mareh bran bran sha katei ka jaka, ban pyllong ia ka jingtohkit bad ban lum ia ki sakhi satar ban eksamin ban lap ia ka daw jong ka jingkhlad jong une u rangbah.
Haruh jong kane ka pung, la don ki slipar bad ka jacket kaba la buh katba ka met pat ka ngam hapoh um.
Lap ia ka met u nongdie um na pung ha ka shnong Mawpat
