Shillong: Ka Seng Samla Mawlai Pyllun (SSMP) ha ka jingialam u President Bah S.Biam, u Genl Secy Bah Eddy Mawjaw ryngkat ki para dkhot, ka la leit ban kynduh biang ia u Addl.CE ka PHE Dept. Bah B L Lawai ban buddien ia ka shithi kaba ki la jubab na ka liang ka Department kaba la leit ban dawa naduh u bnai Iaiong 2025 ha kaba iadei bad ka jingsam um ïing kaba ju sam tang ar sien shi taiew ia ka Mawlai.
Halor kane, ka Seng kam hun ia ka jubab ia ka shithi kaba ki la phah sha ka Seng na ka bynta ka jingmyntoi ki Nong Mawlai, ka la leit ban kyntu ia ki ba kin pynurlong ia ka jingangnud, ki mat kiba ka Seng ka buh ha khmat ia ka jingbym hun ia ka jubab, ki mat ba la buh ka long ba ka PHE (GSWSS) kan buh iaka sngi ban leit ia ka peit ban thep ia kita ki pipe thymmai na ka bynta ka Mawlai katkum ka jingbun paid ki nongshong shnong bad jingheh palat ka Shnong Mawlai. Kawei pat ba ka seng ka dawa ka long ba ka PHE kan ai um ia ka Mawlai (Um ïing) 6 sien shi taiew namar kumba long haduh mynta ioh um tang 2 sien shi taiew katba ki shnong kiba dei shabar ka Mawlai ki ioh um 2 sien shi sngi kata ruh baroh shi taiew. Ka Seng ka dawa ba ka Mawlai kan ioh thik marwei u pipeline ban pynbiang um ia ka Mawlai bad ka kyntu ia ka Dept ban pynbiang ia ka jingpoi bun ka Um khnang ban ai Connection thymmai ia bun bah ki longïing kiba la apply la slem bah bad ka rukom sam um kaba long ryntih ia baroh khlem da niew shiliang iano iano.
Na ka liang ka U Add CE bad ki officer, Executive Engineer GSWSS, SDO kila kular ban shimkhia iaka jingdonkam ki Nong Mawlai bad ka Seng ka khmih lynti ban urlong noh shen bad ka kyrmen skhem ba ki nong Mawlai kiba donkam um man ka sngi kin kyrshan lang ia kane ka mat kaba kongsan na bynta jong ki.
Buddien ka SSMP ia ka jingpynpoi um ha tynkong ïing ha Mawlai
