Shillong: Ka Deputy Commissioner ka East Khasi Hills ka la kyrpad ia ki nongshong shnong ka thain Polo, Golflink Pynthorbah bad Pynthorumkhrah ba kin sangeh shwa ban pynher kot kudi ha ka por ba don ka jingialehkai Durand Cup ha JN Stadium, Polo Shillong.
Ka jingialehkai ka Durand Cup ha Shillong kan long lashai ka sngi Saitjain hapdeng ka Shillong Lajong FC pyrshah ia ka Nepal Academy por 3 baje janmiet.
Ha ka jingpynbna mynta ka sngi, ka DC ka la ong ba shwa ban sdang ka jingialehkai, kan don ka jingpyni nam bad pynher eroplein, her parachute ha katei ka thain Polo da ki shipai, kumta ban lait na kano kano ka jingma, ka la kyrpad ia ki briew ban sangeh shwa ban pynher kot kudi ha ka por ba pyllong iaka tamasa Durand Cup ha Polo.
Wat pynher kot kudi por ialehkai Durand Cup, maham ka DC
