Shillong: Mynta ka sngi ki riew paidbah kila ioh bat ia uwei u nongtuh katba u dang thmu ban tuh tiar na kawei ka taksi kaba ieng ha surok shadien ka Raj Bhavan, Shillong.
Kane ka la jia mynta ka sngi ha ka por nohphai sngi, haba ki nongniah kali kila iohi une u nongtuh katba u dang thmu ban tuh ia ka tape na ka kali bad bran bran kila ioh noh ia u.
Hadien kila ai jingsneng ia u malu mala da kaba phah kyrjiaw da u seiñ thap ha ka kti bad ki aiti noh pat sha ki pulit ban leh ia kaba donkam.
Shah ai jingsneng u nongtuh da kaba kyrjiaw da u seiñ thap ha kti
