Shillong: Ha ka janmiet sngi Balang ka 23 tarik Naitung 2025, ki pulit ka Anti Narcotic Task Force (ANTF) kila khynra kynsan ia ka ktem iadie iadih drok, kynja ha Iewduh hajan ka Paltan Bazar.
Ha kane ka jingleit khynra kynsan ki pulit ANTF, ki nongdih kyiad, ki nongdie kynja kila peitmat kynsan bad kyndit bad phret krad noh na katei ka jaka, kaba ki ju pyllong kum ka ktem ha katei ka jaka.
Ka jingkhynra ki ANTF ka long kaba seisoh ha kaba kila ioh kurup shibun ki song heh u kynja ba la buhrieh ha ki tnum building, ha ki kudam bad ki borti Brite, bad kila ioh kurup haduh 22 kilo eiei u kynja nalor kumba 90 tylli ki plastic ba la thep kyiad pyrsi.
Ia kine ki kynja, la song bad la thep ha byrni plastic, ha jain jri bad ha kiwei ki rukom song ban buhrieh.
Katei ka jaka ka long kaba I jaboh bha bad bym ikhuid bad ka dap da ka jingsma iwjli.
Kane ka sienjam ba ki pulit ka ANTF kila shim ka long ban pynthikna ba ka sor Shillong kan pynduh jait ia une u jingdih ba pynjot ym tang ia ka imlang sahlang hynrei ia u briew ruh kumjuh.
Ki pulit ka ANTF kin nang pynjur ia ka jingkhynra ia une u jingdih ba sniew. Ia kine ki mar ba la kurup, la shimti ki pulit ban leh katkum ka ain.
Kynjah ka ktem die kynja, kyiad ha Iewduh ba khynra kynsan ki ANTF
