Shillong: Mynta ka sngi ka 23 tarik Naitung 2025, u CEM ka KHADC bah Shemborlang Rynjah bad ki EM kila pyllong ia ka jingjurip ia ka khlaw Mawpat kaba peit ka Hima Mylliem hadien ba la don ka jingujor na ka seng VPP kaba la kynnoh ki don ki nongmihkhmat kiba ioh jaka ha katei ka khlaw kaba la pynbna kum ka law adong kham mynshwa.
Haba kren sha ki lad pathai khubor, u CEM ula ong ba un sa pule bniah ia ki kot ki sla bad yn tohkit bniah halor ka jingioh kurup jaka beain ki briew bad yn sa pyrkhat ban shim ia ki lad ki lynti.
Ia kane ka jingleit jurip la leh hi ka KHADC khlem don lang eiei ka Hima Mylliem hynrei la khot tang ia ki rangbah shnong. U bah Shemborlang ula ong ba ka Council ka khlem khot ia ka Hima namar ba ka lah ban don pynban da kawei pat ka jingiakren ka jingiatai bad ka sienjam kaba ar sa leh hadien.
Ia kane ka jaka la thung dieng ka tnad Soil and Conservation ha ka por mynshwa ha ka jaka kaba heh kumba 800 hectare eiei.
Khlem khot ka KHADC ia ka Hima Mylliem ha ka jingjurip ia ka khlaw ha Mawpat
