Shillong: Mynta ka sngi, ka 23 tarik Naitung, 2025 ka State Pollution Control Board ryngkat ki nongialam shnong ka Phudmuri bad Mawdatbaki ka la leit jurip ia ki dukan ha ki thaiñ Mawlai Stand bus ban pynsngewthuh ia ki paidbah ban kiar na kaba pyndonkam ia ki plastic ki bym pyut shuh, namar ba ki ktah ia ka mariang bad ia ki kynja ba im baroh.
La kyrpad ia kiba shong dukan baroh ha katei ka thaiñ ba kin sngewbha ban ym pyndonkam shuh ia ki plastik barim hynrei ki dei ban pyndonkam noh da ki plastik ba la ai jingbit da ka FSSAI kiba iahap dur bad ka mariang bad ia ki plastik barim ki dei ban pynphai noh sha ki dorbar shnong.
Ki nongialam shnong kila pynpaw ba kane ka sienjam kam dei ban long tang ha kitei ki bynta ka Mawlai hynrei ki dei ban leh ha baroh kawei ka Mawlai.
Donkam ban pyllong ia ka Mawlai kaba lait na ki plastic
