Shillong: U myntri ka tnad nongkyndong u AT Mondal ula ong ba ka sorkar kan buh sngi biang ban plie ia ka ophis thymmai ka C&RD Block Mawpat hadien ba la pynbeit ia ki jingdonkam.
Mynta ka sngi, u AT Mondal bad u MLA ka thain ba dei ruh u myntri u bah AL Hek ki hap ban leit phai noh khlem ioh khap ribbon namar ba ka jingpyrshah bad khang lad ki paidbah ka shnong Mawpat.
Ki paidbah ka shnong Mawpat kila dawa ba dei ban pynthikna shwa ban siew ia ka bai bylla sngi ia ki nongtrei casual kiba dei na kane ka shnong ha katei ka block katkum ka Minimum Wage kaba la buh ka sorkar jylla, namar ba kila trei mynta kumba 6-7 snem, hynrei ka tulop pat tang shi dana, kaba long tang kumba 5-6 hajar shi bnai. ki don 4 ngut ki briew na Mawpat kiba trei bylla sngi ha katei ka ophis.
Yn plie biang ha kawei ka sngi ia ka ophis ka Block ha Mawpat, ong u myntri
