Shillong: U myntri ka tnad pule puthi ka jylla, u Rakkam A Sangma u la ong ba ha jaka ban wad daw bad wohdong ia ka bym shisha, balei ka Voice of the people Party (VPP), kam leit iakren markhmat bad u ban sngewthuh khambha halor ka sienjam ba ka sorkar ka la shim ban pynbha ia ka pule puthi.
Dang shen, u nongaiktien ka VPP u bah Batskhem Myrboh ula wohnia ia ka jingthmu ka sorkar ban pyntreikam ia ka Meghalaya Education Grant (MEG) na ka bynta ki skul bym dei sorkar ha ka jylla, ba ka dei ka lynti kaban nang pynhiar ia ka pule puthi.
Haba kren mynta ka sngi, u Rakkam ula ong ba ka VPP ka la ong ba ka sorkar kam leh eiei ban pynbha ia ka pule puthi hynrei haba ka sorkar ka la shim ia ki lad ki lynti ban pynbha, kine kijuh ki briew kila ong ba ka sorkar kan pynkylla kam shimet ne privatize ia ki skul. Kane ka long kumba kila wad daw dalade ialade hi.
Ki don 14 tylli ki kyrdan ki skul bad ki nonghikai bad ban pynryntih ia kane, ka sorkar ka la thaw ia ki lad ki lynti ban pynbha ia ka pule puthi. Ula ong ba ka sorkar ka la tyrwa ia baroh ki deficit college ban shimti noh ban pyniaid da ka provincialize ia ki hynrei kane kan shong pat ha ka mon bad ka rai jongki ban pyntip sha ka sorkar.
VPP wan ban iakren bad nga, balei ban shu wohdong da lade ialade: Rakkam
