Shillong: Ka tnad pule puthi ka la pynmih ia ka jingpynbna kaba la mana tyngeh ba ym shah shuh ban plie skul thymmai khlem ka jingbit shwa na ka sorkar jylla.
Ha ka jingpynbna kaba la pyllait da u bah Banteilang J. Kharshandi, MCS, u Director of School Education & Literacy ha ka 18 tarik Naitung 2025, la pynbna paidbah ba katkum ki kyndon ka Right of Children to Free and Compulsory Education (RTE) Act, 2009, baroh ki skul kiba plie khlem ka jingbit, kin hap ban aiti ne phah ia ki aplikeshon jongki katkum ka Form 1 bad aiti ha ki District School Education Officers (DSEOs).
Baroh ki skul ki bym pat ioh ka jingithuh, ki dei ban ioh ia ka jingbit na ka bor ba dei peit hapoh hynriew bnai naduh ba la pynmih ia kane ka jingpynbna bad ki bym leh kumta, kin hap khang noh syndon bad yn ym shah ban bteng ia ka jingplie.
Shuh shuh ka jingpynbna ka la ong ba yn ym shah shuh ban plie skul thymmai khlem ka jingbit shwa na ka sorkar jylla.
Ym shah plie skul thymmai khlem jingbit, yn khang ia ki bym ithuh hapoh 6 bnai
