Shillong: Ka Tournament Committee ka Shillong Sports Association, ka la shim ia ka rai ba kan khate lai point pyrshah ia ka kynhun ialehkai ka Laitumkhrah SS&CC, kaba la wan hadien ka jingujor (protest) da ka kynhun ialehkai jong ka Golflink SC.
Kat kum ka kyrwoh kaba la soi da u bah Samram Syiem, ba dei u Asst General Secretary ka SSA, u pyntip, ba ia kane ka rai ban khate ia katei ka lai point pyrshah ia ka kynhun ka Laitumkhrah SS&CC ka long hadien ba ka Golflink SC, ka la wan shakhmat ba kan ujor ne protest ia ka jingsei madan ia ki 4 ngut ki player, ba kynthup ia u Dabetskhem Rympei, Mebankhraw Nongrum, Mebakor Iawphniaw bad ia u Yeomanry Son Shadap, halor ka jingkynnoh ba la pynmih madan ia kine ki player khlem da pyndep ia ka kyndon jong ka inter club transfer of player.
Kane ka jingujor ka SSA ka la ioh ba kan pdiang ha ka sngi ba ka kynhun ialehkai ka Golflink SC ka la mih madan ba kan iakhun pyrshah ia ka Laitumkhrah SS&CC, kaba la long ha ka 18 tarik mynta u bnai, da kaba sei madan artad ruh ia kitei ki saw ngut ki player, kiba la pynkhein ia ka kyndon 28 football tournament rules ka SSA.
Kumta da kane ka jingpynkhein ia kane ka kyndon, ka rai ka tournament Committee kam shim la shu kut tang ha kaban dok point ia ka Laitumkhrah SS&CC pynban la dain arrtad bad ka kuna kaba long ba shi snem kynthih yn nym shah ia kine ki saw ngut ba kin ialehkai phutbol.
Shah khate ka Laitumkhrah 3 point ba ujor ka Golflink
