Shillong: U Vice President ka India u Jagdeep Dhankhar ula risain mynta ka sngi, kaba dei ka sngi sdang ka dorbar lyiur ka Parliament.
U la ai daw ba ka jingtyrwa risain jongu, ka dei namar ba um sngew khlain bha ka bor met
Ha ka shithi sha ka President ka Droupadi Murmu, u Dhankhar ula thoh ba khnang ban pylleit jingmut ban sumar bha ialade bad lyngba ka jingai jingmut ki doctor, ula hap ban risain noh kum u Vice President ka India, mardor katkum ka Article 67(a) ka riti synshar ka ri.
U Vice President uba dei ruh u chairman ka Rajya Sabha u la ong ba u la pynpaw ia ka jingsngewnguh ia ka President ka ri na ka bynta ka jingkyrshan kaba radbah na ka bynta jong u ha ka por baroh ba u long u kum u Vice President bad ula ai khublei ruh ia u Myntri Rangbahduh ka ri bad ka kynhun ki myntri sorkar.
“Haba iehnoh ia kane ka ophis kaba donburom, nga dap da ka jingsngew sarong ia ka jingkiew ka ri India ha ka pyrthei bad ka jingjop ba khraw bad ban bat ia ka lawei kaba phyrnai na ka bynta ka ri”, la ong u Vice President.
Risaiñ kyndit u Vice President ka India u Jagdeep bym sngew khlain bha ka met
