Shillong: U Coach ka Lngsning FC, u bah Khlain Pyrkhat Syiemlieh, u la kam ba ka jingpynkhreh naka bynta ka samoi ialehkai kaba mynta ka snem ka long kaba la biang bha.
Haba iakren bad ki lad pathai, hadien ba la wai ka jingialang pyllait paidbah ia ki ar sut ki jersey kiba ka klob kan phong ha ka por ba ka iakhun ha ka lympung ialehkai ka Shillong Premier League jong ka SSA, u bah Khlain, u bynrap ba ka rukom pynkhreh ka la long kaba khampher haba ia nujor bad u snem ba la dep.
Kumta lyngba ka jinglah ban ioh pynkhreh kham kloi ia la ka kynhun, u sngew ba ka klob ruh kan pyrshang ba kan iakhun ba kan wan kham shakhmat ha kane ka lympung.
Haba batai shaphang ka jingpynrung ia ki rang ialehkai sha la ka jong ka kynhun, u bah Khlain u pyntip ba ka klob ka la soi arngut ia ki rang ba na shabar jong kane ka jtylla, katta uwei u dei na Delhi bad sa uwei pat na Assam, ia kaba labynrap lang ruh sa arngut ki samla ialehkai kiba dei napoh ka ri lum Garo, bad kiba sah pat kidei ki samla ialehkai na them Ri-Bhoi, Ri lum Jaintia bad kumjuh nangne napoh ri lum Khasi, bad haba khein kyllum ka jingdon ki player ha ka kynhun ki long baroh 26 ngut.
Haba phai pat sha ka jingialang pyllait paidbah ia ki jersey, u bah Khlain u sngew ban ai khublei shibun ia ki nongpyniaid ka klob ba la shim ia kane ka sien jam bad ba ka da ai mynsiem shi katdei ia ka kynhun hi baroh kawei, d akaba u la bynrap ruh ba kum u coach u kyntu ia ki player ki jong u, ba haba ki phong ia kine ki jersey, kidei ban pynrung artad ha ki ia ka mynsiem ba ki sngew sarong, ka jingburom.
La wan dur bha ka jingpynkhreh ka Langsning FC jong ka samoi SPL, ong u coach
