Shillong: Shi sngi hadien ba jia ka jingtwa khyndew ha ka dong Wahkdait ha Malki, katto katne ki rangbah na ka Tripura Castle, ki la leit ban jngoh ia kane ka jaka ryngkat ka jingdon lang ki dkhot ka Dorbar Dong Wahkdait bad ki nongkitkam ka FKJGP Malki Circle.
La pyntip ba kane ka jingtwa ka dei namar ka jingtrei torti ia ka kynroh kaba ker ia ka dong Wahkdait bad ka Tripura Castle bad kane ka iing kaba shah ktah kadei ka iing jong u bah Marcel Lakadong.
Haba iakren bad u bah Lam Marbaniang, uba dei u rangbah dong, u la iathuh ba kane ka jingtwa khyndew ha kane ka dong ka jia khah khah tang ha ki por ba ther u lapbah namar ka jingjulor ka wan na ki jaka bad ki surok ba shna ka Tripura Clastle.
U la iathuh ba hadien ka jingwan jngoh da u bah Andy Lyngdoh uba dei u contractor, la pyntip ba ka Tripura Castle kan siew ia ka bai lutksan ha kaba iadei bad ki jingjulor bad jingduh ki jingdon jingem ha kane ka longiing.
Shuh shuh u rangbah dong u la ong ba ka long ka jingthut ia ki samla pule bad kiba pang ba shitom namar ka jingleh bym suitniew ka Tripura Castle Heritage. Kane ka dei namar ka jingpynheh ia ki jingput jingtem haduh ki por shiteng synnia bad kane ka long ka jingthut kaba khraw ia ki para dong kiba sah ha kine ki thaiñ.
Nalor ba twa ka kynroh, ud ki marjan ba kynjling jingtem ka Tripura Castle shiteng miet ruh
