Shillong: U Superintendent of Police (SP) ka East Khasi Hills u bah Vivek Syiem ula pyntip ba katkum ka jingpynjari kyndon 163 BNSS ka bor district, ki kali heh naduh ki trok, ki Nigh Super ki lah ban rung na Diengpasoh tang haduh Itshyrwat.
Ha ka kyrwoh kaba la pyllait mynta ka sngi, u SP ula ong ba la shah ba kin iaid na katei ka surok tang hapdeng ka 9pm haduh 6am bad la khang pyrshah ban iaid shaduh Demseiniong.
Kane ka jingkhang iaid kali heh sha ka surok Demseiniong ka long namar ba ka la wanrah ka jingjot ka surok bad ka jingduh ki waiar ilektrik na ka jingsyllad kine ki kali heh, kaba la buh ka jingma ia ki briew bad kumjuh ka la wanrah ia ka jingsahkut kali.
Ki bus Night Super, ki trok heh kin rung na Diengpasoh tang haduh Itshyrwat:SP
