Shillong: Ka sorkar jylla ka la buh thong ba ha u Nohprah mynta u snem, yn pyntreikam noh ia ka Meghalaya house ha Bangalore.
Ka sorkar jylla ka la pyrshang ban pynsted ia kane hadien ba ka la mih ka jingpynpaw na ki paidbah ia ka jingdonkam palat ban don ka Meghalaya House ha katei ka jylla, kaba ju tuid bha ki briew na kane ka jylla.
Haba pyntip ia kane, u myntri ka tnad pule puthi ka jylla u Rakkam A Sangma ula ong ba ka cabinet ka sorkar jylla ka la rai mynshwa ban thied ia ka jaka bad ka jingtei ha Bangalore bad ka kam ka la iaid shaid shaid mynta.
Ula ong ba ka sorkar kala dep siew lut ia ka jingdonkam bad hadien ba la pyndep ia ka kam, kan sa aiti ban plie syndon.
Katkum ka jingong u Rakkam, ka sorkar ka la bat bad pyniaid ia katei ka jaka bad ka jingtei bad ha shwa u Nohprah yn sa plie paidbah noh ia katei ka iing.