Shillong: Ka Deputy Commissioner ka Food Safety, ka Kong DBS Mukhim ka la pynshai halor ka jingdon kiba wohdaw ba khang ia kiwei ki dukan bad khlem khang ia kiwei pat haba lap ia ki jingbam kiba sniew.
Kane ka jingpynshai ka kong DBS Mukhim ka long hadien ba ka la don ka jingkynthah na ki paidbah halor ka jingkhang ia kiwei ki dukan kiba la lap ba ki leh sih ia ki jingbam katba ia ka jinglap ksaiñ na u pizza na Broadway pat khlem khang.
Haba batai ia kane mynta ka sngi, ka Kong DBS Mukhim ka la ong ba kiwei ki dukan ki la shah khang namar ba kim bud ia ki kyndon ka jingleh khuid ym dei ba lap tang ka jingsniew jong ki marbam hynrei ka jingkhuid jong ka dukan, ka jaka shet, ki nongtrei bad ki tiar ki tar ka long ka bynta ban bishar.
Ha kaba iadei bad ka dukan Broadway Bread and Cafe ka biang nadong shadong ka jingkhuid jingsuba, ki tiar ki tar, ki nongtrei bad ki sawdong ki jaka shet hynrei ka dei beit tang ka jingsniew jong u pizza. Ka la ong ba mar ia ioh jingujor ba lap ksain na u pizza ba thied na kane ka dukan, ka la leit ban jurip ia ka jinglong jingman.