Shillong, Naitung 16: Ka nongialam ka seng ki nongdie madan, ka kong Angela Rngad ka la pynpaw ia ka jingbym iahap ia ka jingleh ka sorkar ban pynkynriah ia ki nongdie madan na Khyndai Lad sha kiwei ki jaka, da kaba ai daw ba wat ia ka Certificate of Vending (CoV) ruh kim pat sam lut sa kumba mar shiteng ia ki nongdie madan, hynrei ka sorkar ka la shu kwah ban beh jubor.
Mynta ka sngi, ka la don ka jingialang kaba la khot ka Deputy Commissioner ka East Khasi Hills ia ki nongialam ki seng nongdie madan, kumjuh ha ka jingdon lang u Special Officer uba la thung ka High Court, Meghalaya ban peit ia kane ka kam ki nongdie madan.
Ka kong Angela kala ong ba ka sorkar ka la kwah ban beh jubor shwa kata ka 22 tarik Naitung khlem pat rai ka Town Vending Committee (TVC), kaba dei kaba peit ia kane ka kam ki nongdie madan.
Ka la ong ba ka sorkar kam dei ban shu beh thurmur hynrei ka dei ban iaid katkum ka ain namar ba ka don ruh ka jingong u myntri bah Paul Lyngdoh ba ki don 400 tam ngut ki nongdie bad 200 ngut kiba la mynjur hynrei kane kam pat dei kaba shisha namar ba ki dang don ki nongdie madan.
Shuh shuh ka la ong ba ka claim bad objection ruh ym pat dep namar ba ka kam ka dang iaid. Ha kajuh ka por, ka la ong ba ki don kiba ong ba ym don nongdie madan sha Nan Polok, hynrei ha ka jingshisha lei ki briew ki ia thied shana na ki nongdie madan nangto ha Nan Polo hi ban ai ia ki dohkha.
Ka la bynrap ba ka sorkar kam lah ban iaid lait ia ka TVC bad ka seng ki nongdie madan shwa ba kan leh ne shim ia kano kano ka rai.
Ha ka jingialang mynta ka sngi, ka la ong ba la iakren ia ka bynta na Khyndai Lad sha Umsohsun.
Ha kajuh ka por, u Special Officer uba la thung ka High Court, Meghalaya ban pynbeit ia ka kam ban pynkynriah ia ki nongdie madan, u Subhasis Chakrawarty u la ong ba ka jingialang mynta ka sngi ka long kaba seisoh.
Haba kren hadien ba la wai ka jingialang, u Subhasis Chakrawarty ula ong ba la iakren halor ka jingpynkynriah ia ki nongdie madan, ka jingjied ia ki nongdie madan ba dei hok, ka jingai Certificate of Vending (CoV).
U la ong ba ka DC kan iaid shakhmat katkum ka rai bad ka la shim ia ka rai kaba bha ban khot ia ka jingialang baroh kiba iadon bynta bad katkum ka jingbthah ka High Court, Meghalaya.
Ha kajuh ka por, u Special Officer uba la thung ka High Court, Meghalaya ban pynbeit ia ka kam ban pynkynriah ia ki nongdie madan, u Subhasis Chakrawarty u la ong ba ka jingialang mynta ka sngi ka long kaba seisoh.
Haba kren hadien ba la wai ka jingialang, u Subhasis Chakrawarty ula ong ba la iakren halor ka jingpynkynriah ia ki nongdie madan, ka jingjied ia ki nongdie madan ba dei hok, ka jingai Certificate of Vending (CoV).
U la ong ba ka DC kan iaid shakhmat katkum ka rai bad ka la shim ia ka rai kaba bha ban khot ia ka jingialang baroh kiba iadon bynta bad katkum ka jingbthah ka High Court, Meghalaya.
Ka CoV kim pat sam sa mar shiteng ki nongdie madan, shu kwah beh jubor: Angela
