Shillong: Ki Pulit ka East Guwahati Police District na Basistha Police Station ki la ioh biang ban kurup ia kawei ka Scooty Honda Activa number AS-01-EQ-4895 na Jorobat, hadien ba ki la lap dien ba katei ka Scooty ka don ha Khanapara.
Katkum ka khubor kaba la pynlait da ki Pulit ka Assam ha ka rynsan Social Media, Ia kane ka Scooty la ioh ban kurup ha ka por ba ki dang pynap shrip ha Jorobat Police Outpost.
Na ka liang ki Pulit ka Assam ki la ioh ruh ban kem ia ki ar ngut ki samla Khasi kiba don kti ha kane ka kam tuh ia katei ka Scooty ba kynthup ia u Bicky Lyngdoh (24) bad u Donalad Binan (24) kiba dei na Nongpoh, Ri Bhoi District.
Halor kane ka jingioh kurup ia katei ka Scooty bad ba la ioh kem ia kitei ki ar ngtut ki pulit ka Assam ki dang pynlong ia ka jingtohkit bad ruh ban leh katkum ki kyndon jong ka ain.
Ngat 2 ngut ki Khasi ha ki pulit Assam ba tuh ar shaka
