Shillong: U nongsynshar ba tymmen tam ha ka pyrthei, uba dei ruh u President ka ri Cameroon u Paul Biya, 92 snem ka rta, ula rai ban iakhun biang ia ka elekshon kaban long ha u Risaw mynta u snem.
U Paul Biya ula jop khlem shah rem la 43 snem ha ka bor ha katei ka ri. Ha ka jingthoh jongu ha ka Social Media, u la ong, Ngan pynthikna ba ka jingkut jingmut jong nga ban shakri ia phi ka iahap ha kane ka por jong ka jingtynjuh ba ngi iakynduh”.
Ha ka jingsynshar jong u Paul Biya ka la don ka jingkynnoh bamsap bad ka jingsynshar jongu, ka la shah takrain halor ka jingbym lah ban wanrah ia ka jingshngain ha ka ri.
U Biya um pat ju rem ia ka elekshon naduh u snem 1982. Ula pynduh ia ka jingbuh samoi jinglong President ha u 2008 bad kane ka la pyllah ia u ban bteng ban long President haduh mynta.
92 snem dang iakhun President biang u Paul ha Cameroon
