Shillong: U nongsynshar ba shipor ka ri Bangladesh, u Prof.Muhammad Yunus, ula pyntreikam da ka buit pyniajan bad ka India, da kaba phah sngewbha shi hajar tylli ki sohpieng sha u myntri rangbahduh ka ri India u Narendra Modi.
kane ka sienjam ba la phah u Yunus, ka long ban pyniajan hapdeng kine ki ar tylli ki ri hadien ba la mih ka jingiapeit khmat hadien ba u Yunus ula kren iaroh ia ka China ha ki bnai ba la dep.
Ka dei ruh hadien ba ka India ka la pynpaw ba ka jingkhang ka plie ban iakren bad kino kino ki mat bad ka Bangladesh ha ka rukom kaba don jingmut bad kaba ai jingmyntoi.
U Yunus ula phah ia kine ki 1 hajar tylli ki sohpieng kiba pawnam ha ka jingbang ha ri Bangladesh ba khot kum u sohpieng Haribhanga sha u Modi bad ka dei ruh kum ka dak ka jingsngew iajan paralok.
1 hajar tylli ki sohpieng phah sngewbha u Yunus na Bangladesh sha u Modi
