Shillong: Uwei u briew ula leit phla mynta ka sngi ha u magistrate ha Belthangady taluk, Karnataka halor ka jingbtep jong u ia kiba bun bah ki met iap kiba la shah pyniap kynthup ki khynnah bad ki kynthei.
Katkum ka jingphla jong u, ula iathuh ba ula btep ia ki met iap bun bah ha Dharmasthala ba la phah ki briew kiba la byrngem ia u ban leh ia kane ka kam. Kine ki briew ki dei kiba shah pyniap.
Une u briew ula aiti ruh ia ki synrong briew kiba ula khlong sha ki pulit. Ha kane ka jingleit jongu ban phla sha u magistrate, ka la pyllong ia ki nongiasaid ain ban pyrshah jur namar ba u magistrate um shah ban ialam lang ia ki nongiasaid ain bad ula bthah ban wan hi tang une u briew.
Une u briew u dei u nongtrei barim ban sar ban pynkhuid ha ka tnad sorkar. Ula leit buh ia ka jingujor ha u Superintendent of Police ka Dakshina Kannada bad ka Dharmasthala police station, ba shah byrngem bad shah pynbor ban btep ia ki met iap kiba shah batbor, bad kiba shah pyniap ha ki nongleh kam sniew ba un btep ia ki met iap ha ka shnong Dharmasthala bad ki sawdong jongka.
Une u briew ula dawa ban tohkit ia kane ka kam bad ula pan pulit pahara ruh ialade bad ka iing ka sem jongu.
Phla u briew uba btep ia ki met iap bun bah kiba shah pyniap bad shah batbor
