Shillong: Ka jingnang jur ka jingpyniap tnga ki kynthei ka la nang jur ha kylleng ka ri India bad kawei kaba kham tip paidbah bha ka dei ruh kaba la jia ha kane ka jylla, ha kaba ka Sonam Raghuvanshi ka la pyniap ia la u lok u Raja Raghuvanshi ha ka thain Sohra ha ki bnai ba la dep.
Ha kine ki san snem ba la dep, 785 ngut ki shynrang kila shah pyniap ha la ki tnga jongki ha ki san tylli ki jylla ha ka ri ba kynthup ha Utter Pradesh, Bihar, Rajasthan, Maharashtra, bad Madhya Pradesh.
Ka jingshah pyniap u Raja ha ka Sonam ha thain Sohra, ka jingshah pyniap u Saurabh Rajput ha Meerut, ha ka lok ka Muskan bad u samla jongka ka la pynkhynniuh ia ka ri baroh kawei. Kine ki jingjia ki mih na ka jingklim samla, kaba la wanrah ka jingsyier ha ki briew ha kaba ka jingieid ka la long ka jingmut jong ka jingshet kylla ban pynkylla langknia ia ki tnga.
katkum ka kaiphod jong u snem 2022, ka jingjia pyniap kaba iadei bad ka kam jingieid samla ka la wan balai, kaba la kiew sha ka 7-8% hapdeng u 2010-2014 sha ka 10-11% naduh u 2015-2022.
Ka jylla Uttar Pradesh ka wan ba nyngkong ha kaba 274 tylli ki jingjia ha ki san snem ba la dep, bud sa ka Bihar haduh 185 tylli, ka Rajasthan 138 tylli, Maharashtra 100 tylli bad ka Madhya Pradesh 79 tylli. Kumba 275 ngut ki tnga shynrang, kila shah pyniap ha ki tnga kynthei.
kane ka jingjia ka dei na ka jingiaklim samla, ka jingshah pyndik, ka jingmih ka huri hura, kaba la pyllong ia ki kynthei ban pyniap ia la u tnga.
Ka la donkam kyrkieh ban ai ka jingkyrshan ka jingpynsngewthuh bad ka jinghikai ha kaba iadei bad ka bor pyrkhat bad kumjuh ka jingiadon bynta ka imlang sahlang ban tem ia kum kane ka jingeh ban pynthikna ba ka jingiashong kurim kam dei ban kylla pynban ka madan thma ban iapyniap.
Palat 7 spah ngut shah pyniap ki tnga shynrang ha ki tnga kynthei ha India ha ki san snem
