Shillong: Ka jingialang ka cabinet mynta ka sngi ka la mynjur ia ka Meghalaya Film Tourism Policy 2025. Ka jingdonkam ia kane ka policy ka long ban kyntiew ia ka kam jngohkai ha ka jylla bad ban pyllong ia ka Meghalaya kum ka karkhana shna film ba pawnam ha kane ka thain shatei lammihngi ka India.
Ha kane ka policy yn don ka ksiang ne egency kaban tip kum ka Film Facilitation Cell ban pyniasnoh ia ki tnad bapher bapher jong ki tnad sorkar khnang ban kyntiew ia ka kam shna phlim kaban iaryngkat ha ka ri bad ka pyrthei.
U nongaiktien ka sorkar, u bah Paul Lyngdoh ula iathuh ba ki nongshna phlim kin ioh jingiarap na ka sorkar, ha kaba kito kiba shna ha ki ktien ka ri bad bar ri, kiba lah ban kyntiew ia ka kam jngohkai jong ka Meghalaya kin ioh jingiarap haduh T.1. klur bad ki dei ban ring kumba 75 percent ha kane ka jylla.
Na ka bynta ki nongshna phlim kane ka jylla pat, ka sorkar kan ai jingiarap T. 50 lak bad kin ioh jingiarap man ka ar snem bad kiba shna ia ka TV serial ruh kin ioh jingiarap na kane ka skhim. Ka sorkar kan shna ruh ia ka Film Studio ha ka jylla.
Kiba wan ring phlim nabar yn ai T. 1 klur, ki trai jylla T. 50 lak, ka skhim na ka sorkar
