Shillong: Ka jingpyni paidbah ia ka Durand Cup ka la shong shit tain ha State Convention Centre, Shillong ryngkat ka jingdon lang u myntri rangbah ka jylla u Conrad K Sangma, u myntri ka tnad ialehkai u bah Shakliar Warjri, ki heh shipai Air Marshal Suraj Singh, Eastern Air Command, Lieutenant General Sanjay Malik, SM GOC 101 Area; Lieutenant General Mohit Malhotra, Eastern Command Chairman DCOC nalor ki nongialehkai ka jylla.
Kane ka lympung ialehkai kynjatbol ka Durand Cup kaba 134 mynta u snem kan sdang naduh ka 23 tarik Naitung haduh ka 23 tarik Nailar ban wan. Ha Shillong yn ialehkai 8 tylli ki jingialehkai ha JN Stadium, Polo.
Kiwei pat ki jylla ban ialeh ki long ha West Bengal, Jharkhand, Assam, Manipur nalor ka Meghalaya. Ha Shillong yn pynialehkai 8 tylli nalor ka quarterfinal bad ia ka semifinal.
Ia ka Durand Cup yn leit pyni paidbah ha kylleng ka sor Shillong, ha Nongstoin bad ha Tura. Na kane ka jylla Meghalaya ki kynhun ba iashim bynta ha kane ka lympung ki long ka Shillong Lajong bad kumjuh ka Rangdajied United kumjuh ka North East United kaba dei na kane ka thain shatei lammihngi ka India.
U myntri rangbah u la ong ba ka sorkar ka la buh thong ban pyllong ia ka Shillong kum ka karkhana pynmih nongialehkai kynjatbol ba kynsai tam ha ka ri.
La pyllait ruh ia ka jingrwai jong kane ka lympung ka Meghalaya Durand Cup Team Song kaba ai kyrteng: “Here we go”.
Lynguh ka jingpyni ia ka Durand Cup, na Shillong sha Nongstoin, Tura, ap sa ka jingiakhun ha madan
