Shillong: U Myntri ka tnad bording ka jylla u AT Mondal ula ong ba ka la donkam kyrkieh ban pyniaid ia ka 132 KV ban pyniasoh ia ki thain khappud ka Meghalaya khamtam ka sor Baghmara.
Ynda la pyntreikam ia kane ka 132 KV, kan pynbha ia ka rukom sam bording khamtam ha ki thain khappud bad ka ri Bangladesh.
Haba kren mynta ka sngi, u Mondal ula pynpaw ba ula iakren bad u Chairman ka Central Electricity Authority (CEA), uba dei ruh u chairman ka National Power Committee (NPC), ba ka 33 kV line ka iaid lyngba ki jaka kiba kham shong syier bha kynthup ki khlaw tyngkai, bad ki jaka iaid ki hati khlaw, kaba la wanrah jingeh.
U la ong ba ka 132 KV line, kan pyllait ia kine ki jingeh da kaba wanrah ia ka jingsam bording kaba kham khlain bad kaba kham bha.
U la ong ba ka ri Bhoi kaba pynmih bording bun bha ha ka jylla hynrei ka iakynduh jingeh na ka jingbym biang ka rukom sam bording bad mynta ka sorkar ka la ioh ia ka jaka ban buh ia ka 132 kV substation ha Nongpoh, bad lyngba kane yn sa lah ban weng ia ki jingeh ha kaba iadei bad ka jingbym biang ka bording.
Donkam palat ia ka 132 KV ban pyniaid sha khappud ka Meghalaya
