Shillong: Ki nongdie madan kila kyntait ia ka 10 hajar kaba la tyrwa ka sorkar jylla bad kila ong ba ka kham lah ka 100 tyngka man ka sngi.
Ka nongialam ka seng nongdie madan, ka kong Biolin Pyrtuh ka la ong ba ki nongdie madan kim ym pdiang bad kim ym treh ia kane ka pisa ba tyrwa ka sorkar, bad ka la long ruh ba yn leh aiu ia ita, namar ba ki nongdie madan ki kamai 100 tyngka shi sngi.
Hynnin ka sngi, u myntri sorkar jylla u bah Paul Lyngdoh ula ong ba ka sorkar jylla kan ai jingiarap mar T.10 hajar ia ki nongdie madan kiba leit bad kohnguh ha ki jaka ba la pynkhreh ka sorkar.
Ka kong Biolin ka la ong ba ka jingkren jong u bah Paul ka la paw ba ka dei ka jingbiej. Ka la ong ba ki nongdie madan kin leh aiu ia kata ka 10 hajar, ka 2 hajar bad ka la ong, ba un bha ba un pyllang ia ka 10 hajar tyngka bad lada ki 200 ngut, un ioh 20 lak tyngka.
Ka la ong ba ka thied um saw sien ha ka shi bnai, bad ka jingai ka sorkar ka long tang ka bai um khlem bai khaw.
Ka la kyntait ruh ba ka ju don kano kano ka jingiakynduh hapdeng ka sorkar bad ki nongdie madan namar ba ym pat kynduh mynta la shi snem.
Ka la ong ba ka jingong ba wit ki nongdie madan, ka dei ka bym shongnia satia bad ka jingkren ka sorkar ka long kaba bakla. Ka la ong ruh ba lada ym don nongdie madan, kiba iaid ruh kin iap menshohnoh.
‘Ngin leh aiu ita I T.10 hajar,’, kyntait ki nongdie madan ba tyrwa ka sorkar
