Shillong: Kawei ka kali Bolero Pik-Up ka la shah syngeit ha ka twa ha Laitkynsew, kaba don harum ka Laitlyngkot jong ka surokbah Shillong-Pynursla-Dawki.
Kane ka la jia mynta ka sngi, ka 30 tarik Jylliew 2025, ha kaba kane ka pik up ka la sahkut tden ha ka ktieh bad twa ka khyndew najrong.
Kane ka jaka ka long kaba kham ima bha namar ba ha kine ki sngi ruh ka la hap ka khyndew haduh ban tap lup ia ka surok, namar ba ka kompeni ka dang tih ia ka surok, da kaba pom ia u lum.
Ym shym la ioh jingtip ka don ne em kano kano ka jingmynsaw ha kane ka jingjia.
Kham mynshwa, ka SDO Pynursla ka la pynbeit pali ban iaid ki kali, ha kaba la khang ban iaid naduh 8am haduh 11am bad naduh 1pm haduh 4pm man ka sngi haduh ban da pynbna da kumwei pat.
Shah synngeit ka Pik-up ha ka twa ha Laitkynsew
