Shillong: Kawei ka samla ka la khlad noh hadien ba ka la shah ot na ryndang da ka tari ha uwei u runar, mynta ka sngi ha Pyndengumiong, Mariang ka Eastern West Khasi Hills.
Kane ka la jia ha ka por ba don lang u kpa jong kane ka samla. Katkum ka jingtip, kane ka la jia ha ka por 5 baje eiei janmiet ha kaba ka samla kaba la tip kyrteng kum ka kong Phyrnailin Kharsyntiew 27 snem na ka shnong Mawkhap Mawkynrang, Eastern West Khasi Hills ka la shah ot da ka tari na ryndang ha ka parking kaba pyniaid u riew shimet ha Pyndengumiong.
U kpa jong kane ka samla, u bah Sarding Mairang ula iathuh ba ka daw ka dei na ka jingpang iakhlad noh jongka hynrei utei u briew um kwah ban iakhlad bad ula byrngem ban pynjah burom bad pynkhlem rain ia ka, kumta na ka liang u kpa ula ia kynduh bad uta u briew ban ia kren hynrei ha ka por ba dang ia kren uta u briew ula kynthih nadien bad u dang mut ba ka shu ur bad iada ia ka hynrei u la dep ban ot ia ka na ryndang.
Ha kata ka por, la iohi noh ki paidbah kiba sakhi bad bat noh ia uta u briew bad hadien la pynkit noh ia katei ka samla sha civil hospital Mairang hynrei hadien kato katne por kane ka samla ka la khlad noh.
Hangta, la iohi noh ki briew bad kila ioh noh ban bat ia u ha katei ka jaka.
Katkum ka jingiathuh kiba haiing kane ka samla, ka daw ka lah ban dei namar ba ka la pan iakhlad samla noh bad une u briew uba dei na ka shnong Shyiap Mawnai.
Ia une u briew la bat ioh ki paidbah kiba la pyntip sha ki pulit ka Mairang kiba la wan kem noh ia u.
Ha ka jingshisha, la pynkit ia kane ka samla wut wut sha Civil Hospital ha Mairang, hynrei ka la khlad noh.
Katba u hymmen jong kane ka samla, u bah Tisharlang Kharsyntiew u la ong ba ka iing ka sem, ka shaniah tylli ha ka ain, ba kan ai ia ka jingpynsaja kaba tyngeh ia une u briew.
U bah Tisharlang ula ong ba ka ain ka dei ban leh da kaba tyngeh khnang ba kan long ka jingsneng ia baroh.
Ula iathuh ba katkum ka jingtip jongu, kane ka para jongu, ka don ka jingialang samla bad une u briew tangba um pat ju iohi um pat ithuh satia.
Por myn sngi shah ot ryndang ka khun ha ka por ba don lang u kpa ha Mairang
