Shillong: Ka jingphah mih noh ka Shillong Municipal Board (SMB) ia ki nongdie madan na thain Khyndai Lad, ka la pyllong ia ki nongdie madan ban pyrshah jur ia kane ka sienjam.
Kine ki ar tylli ki seng nongdie madan ka kynthup ia ka Meghalaya and Greater Shillong Progressive Hawkers and Street Vendors Association (MGSPHVA) kaba la ialam ka kong Biolin Pyrtuh bad kawei pat ka dei ka Shillong Road Side Hawkers Association (SRSHA), kaba ialam ka kong Telmi Nongbri.
Katkum ka jingkam jong ki nongialem kane ka seng, ki don la kajong ki dkhot. Ki nongialam ka Meghalaya and Greater Shillong Progressive Hawkers and Street Vendors Association (MGSPHVA) kila kam ba ki don kumba 5 hajr ngut duna ki dkhot kiba die ki nongdie madan ha Shillong, katba ka Shillong Road Side Hawkers Association (SRSHA) ka don kumba 100 ngut eiei ki dkhot.
Ka President ka seng Shillong Road Side Hawkers Association (SRSHA) ka kong Telmi ka la kam ba la seng naduh 18 snem bad ka la shong dukan madan ha Khyndai Lad naduh u snem 1982 ha ka por ba ka dang kha tang iwei I khun haduh mynta ba la iaw rta.
Ka la ong ba kane ka seng ka shim dkhot tang ia kiba la rim kynthup ki Khasi bad ki dkhar ruh.
Ka la iathuh ba kane ka seng jongki, kam treh ban shim ia ka certificate kaba la ai ka sorkar. Ka la kam ba ka sorkar ka thmu ban beh ia ki katba ka mut ban ai pat ha kiwei pat kiba thymmai. Ha ka jingshisha, ka dei ban beit tang ia kiba la don lypa.
Lah ban kdew ba ka sorkar ka la pynkhreh ban pyllong ia ka thain Khyndai Lad kum ka jaka bym shah die madan ne No Vending Zone khnang ban wanrah ia ka jingkhuid bad ka jingitynnad namar ba ka Khyndai Lad, ka dei ka ktem ha kaba ki briew ki wan na kylleng ban iaid ban peit kai.
Mar pynbna tynghung ka Municipal ban kyndang 9Lad, mih 2 tylli ki seng nongdie madan
