Shillong: Mynta ka step, ki pulit ka Meghalaya kila ialam ban leh medical check up shwa ia ki 3 ngut kiba shah kynnoh donkti ban pynjah ia ki sakhi halor ka jingshah pyniap u Raja Raghuvanshi.
Kine kiba la wanrah ha Shillong mynta ka step, ki kynthup ia u Soloi James, u Lokendra Tomar bad u nongap pahara ha ka flat ha Indore.
Kane ka jingleh medical check up, ka dei ka rukom katkum ka kyndon jong ka ain ban leh.
Shwa ia kane, ki pulit kila ialam shwa ia ki sak sha Sadar Police Station bad hadien ki ialam sha Civil Hospital.
Lah ban kdew ba ka kashari u Chief Judicial Magistrate ka Indore ka la ai bor da ka Remand Transit ban kit ia kine sha Shillong ban pyllong ia ka jingtohkit.
Ki pulit kin tohkit ia kine namar ba ki dei kiba don bynta ha ka jaka kaba ka Sonam Raghuvanshi ka sah bad u samla jongka, u Raj Singh Kushwaha ha Indore, hadien ba ka la phet na Meghalaya hadien ba la kynnoh ba kila pyniap ia u Raja Raghuvanshi ha ka thain Sohra.
La poi sa 3 ngut sha Shillong, ialam leh check-up shwa ki pulit ia ki 3 ngut ba wanrah na Madhya Pradesh
