Shillong: U Myntri Rangbahduh ka ri u Narendra Modi ula iaroh tyngeh ia ka jain ryndi kaba la ai sngewbha da u Myntri Rangbah ka jylla u Conrad K Sangma. Ha ka shithi kaba la phah sha u Conrad, u Modi ula ong ba ka jain ryndi ka Meghalaya ka pyni ia ka jingriew spah jong ka jylla ha ka riti dustur, kaba dei ka jingsarong.
U Modi ula phah ia ka shithi ha ka 24 tarik Jylliew, 2025, u la khein kor bha ia ka jain ryndia kaba la ai sngewbha na Meghalaya. U la ong ba katba ka pyrthei ka wad ia ka lynti ban pynduna ia ka jingktah ia ka mariang hynrei ka phaikhmat ruh ia ka jingshna kaban pynmih ia ki mar kiba long katkum ka jingkut jingmut bad ka jingkitkhlieh ka pyrthei.
U Myntri Rangbahduh ka ri u la ong ba ka jingioh GI Tag ka jain ryndia ka dei u mawmer jong ka jingkut jingmut ban pynpaw sha ka pyrthei ia ki mar kiba pynmih na ka ri.
U Modi ula pynkynmaw ba haba u wan jurip ia ka Meghalaya, u shah taplup da ka jingieid jong ki paidbah, ka mariang kaba ithiang bad ka mynsiem ba rhem ki samla.
Iaroh tyngeh u Modi ia ka jain Ryndia ka Meghalaya
