Shillong: Ka Rotary Club of Orchid City Shillong mynta ka sngi ka la pynieng ia ka jingbatai ne signboard ne ka signage kaba heh ha lad ka Mawlai Bypass, na ka bynta ban pynsuk ia ki briew kiba wan nabar ban peit ia ka lynti shano ban iaid.
Ia kane ka signboard la plie da u Rtn. Sukhminder Singh, u District Governor ka Rotary International District 3240.
Haba kren ha kane ka prokram, u bah Anthony War, u President ka Rotary Club of Orchid City Shillong, ula ong ba kane ka signage ne ka signboard kan iarap ia ki briew kiba wan nabar khamtam kito ki bym pat tip ia kane ka jaka.
U la ong ba ki briew kiba wan nabar bunsien ki shem jingeh ban ithuh ia ki lynti iaid bad kane kan pynsuk ia ki ia ka lynti shano ban iaid.
U bah Anthony ula pyntip ruh ba ka jinglut ia kane ka jingpynieng ia ka signage la pynlut na ka jingnoh synniang ki dkhot ka Club.
Shwa ban pynieng ia kane ka signage ne ka signboard ka Club ka la ioh jingbit na ka tnad Public Works Department (PWD) bad na u rangbah shnong.
Pynieng ka Rotary Club da ka jingbatai ban suk ki nongwankai
