Shillong: U trai ka iing basah ka Sonam Raghuvanshi bad u Raj Singh Kushwaha u Lokendra Tomar ula kam ba um tip eiei um ithuh eiei ia ka Sonam Raghuvanshi hynrei u shu ai wai ia ka iing kumba ai ia kiwei.
U Tomar uba shah kem ha ki pulit ka Meghalay na Gwalior ula hap leh medical check up shwa ban wanrah sha Shillong.
Ha ka jingkren sha ki lad pathai khubor, u Tomar ula ong ba watla u dei u trai ka iing hynrei u shu ai wai bad lait na kata, kam don eiei ka jingkynnoh pyrshah ia u.
U la ong ba kano kano ka jingkynnoh pyrshah ia u, un sa pynshai bad un sa kren sha ki lad pathai khubor halor kane.
U la ong ba um ithuh um tip eiei ia ka dur ka dar jong ka Sonam bad um ju iohi ia ka ba kan wan sha iing ne kan mih na ka iing jong u.
Lah ban kdew ba u Tomar lem bad u Soloi James bad u chowkidar kila shah kem halor ka jingkynnoh ban pyndam ia ki sakhi satar namar ba la pynjah ia ka synduk ba thep ia ka ksiar ka Sonam, kynjri ksiar u Raja bad kiwei ki tiar kiba ka Sonam ka la buh ha katei ka flat ha ka por ba ka leit sah hadien ba la phet na thain Sohra.
‘Ngam ithuh ia ka Sonam, nga shu ai wai ka iing: Tomar
