Shillong: Ka lynti iaid kjat ha suin ne cantilever skywalk kan ieng ha Mawkdok shen ha kine ki snem ban wan bad ia kane yn tei ha ka jinglut kaba T.51.7 klur.
Ia kane la pyntip u myntri rangbah ka jylla u Conrad K Sangma ha ka prokram ha Mawkdok.
Kane ka lynti iaid kjat ha suin kan jrong 40 metre bad kan iar 7 metre bad kan dei kaba heh tam ha ka ri, ha kaba ki briew kin iohi shynna ia ki them bad ki lum shapoh ha jaka ba kin ieng na surok kumba long mynta.
La dep ban khot tender bad ia ka kam la dep aiti bad ka kam kan sa sdang noh shen ha ki bnai ban sa wan.
U Conrad u la ong ba ynda la dep kane, kan ai jingmyntoi ia ki paidbah jong ki shnong bapher bapher kiba don ha katei ka thain Mawkdok ha kaba kin ioh ban buh dukan, ban die jingdie namar ba yn sa wan tuid ki nongwankai sha katei ka thain.
Yn ieng ka lynti iaid kjat ha suin ba T.51.7 klur ha Mawkdok
