Shillong: Ka sorkar jylla kam sngew donlad shuh ban shna surok saw tylli ki kali ne Four Laning na Umiam sha Mawlai.
U symbud myntri rangbah u bah Prestone Tynsong uba peit ia ka tnad PWD ka jylla, ula iathuh mynta ka sngi, ba ka sorkar ka la shem ba kam don lad ban shna surok Four Laning hadien ba la pyllong ia ka jingsorjamin ha kine ki bnai ba la dep.
Hynrei ha kajuh ka por, ka la thaw noh da kawei ka lad ban shu pynheh noh ia kane ka surok sha ka 10 metre ka jingheh khnang ban pynsuk ia ka leit ka wan ki kali.
Ka surok na Umiam sha Mawlai ka dei kaba kongsan bha namar ba ka dei ka jaka mih jaka rung jong ki kali sha sor Shillong kiba wan nabar bad kumjuh kiba leit phai.
La kut lad ka sorkar ban shna surok ‘Four Lane’ na Umiam sha Mawlai
