Shillong: Ka Meghalaya Swimming Association (MSA), ka la ai ia ka kitbok kitrwiang ia ki 5 ngut ki nongialehkai ki jong ka, kiban leit ban mihkhmat ia ka jylla sha ka iakop jngi ba la tip ia ka kum ka 78th Senior Swimming Championship 2025, kaba long ha Bhubaneshwar, Oddisha.
Kine ki san ngut ki nongialehkai kiban mihhmat ia ka jylla sha kane ka jingiakob ki long u Cleric Jayden Wanniang u ban iakhun ia ka 50 & 100 meters Breaststroke, Shuan Maxwell Diengdoh ha ka 100 & 200 meters Free Style, Anahad Alawat ha ka 50 meters Free Style bad 50 meters Back Stroke, Sumarbiang Mawlong kan iakhun ia ka 100 meters Free Style & 50 meters Breast Stroke, Nazareen Pariong 50 meters Free Style bad 50 meters Butterfly.
Ha shwa ba kane ka kynhun kan mih ban leit iakhun sha katei ka lympung, ka la don ka jingiakynduh lang ha pung jngi Crinoline, ha kaba la wan ban iadon lang ki dkhot ka MSA hapoh ka jingialam u president u jong ka u bah Ian Lyngdoh Secretary bah Baika Lyngdoh bad kiwei pat ki dkhot lem bad ki kmie ki kpa jong ki khynnah.
Haba kren bad ki nongthoh khubor, u bah Ian u pynpaw ba kane ka long sa kawei at ka kabu ksiar ia kine ki 5 ngut ki khynnah ba kin ioh ban leit ban iashim bynta sha kane ka jingiakob, da kaba u la pyntip ba kine kib leit iashim bynta sha kane ka lympung, kidei ruh ki khynnah kiba kum ka synjuk, ka la dep ba kan jied lypa ia bad kumjuh ia kiwei pat ba kin long kum ki nongialehkai kiban dang shah pyntbit shuh shuh ialade ban mihkhmat ia ka jylla ha k por ba ka pynlong ia ka National Games kaba 39 ha u snem 2027, kaban long ha kane ka jylla.
U bah Ian u pynpaw ruh ba kum ka synjuk kam khmih lynti than na kine ki khynnah khamtam ia katta ka jingjop, pynban u sngew ba ka jingioh lad ban iashim bynta ka jong ki, khlem pep kan iai phrang bad ba kan sain dur ia ka jingim ialehkai ka jong ki.
Nalor katta u la bynrap ba naka liang ka synjuk, ka la dep ba kan phah ia la ka jong ka kaiphot kaba iadei bad ka jingpynkhreh ka jong ka ban sei madan ia ki samla ban mihkhmat ha ka National Games ha u snem 2027,kaba ha kane ka kaiphot, ka synjuk ka la thoh shai ka ia kib bun ki jingdonkam.
Kitbok ka MSA ia ki nongjngi ka jylla sha ka lympung Bhubaneshwar
