Shillong: Katkum ka jingtohkit ki pulit ka Meghalaya, ka jingshah pyniap u Raja Raghuvanshi ka dei namar ka jingiaid lai ngut ne love triangle.
Watla ki pulit kim pat lah ban pynthikna ba ka jingshah pyniap ka dei na kane ka daw, hynrei ka dak ka shin ka thew sha kane ka bynta.
Katkum ki pulit, ka Sonam Raghuvanshi ka ia kyntiew kurim bad u Raja Raghuvanshi hynrei ka don ka jingieid rieh pat bad u Raj Singh Kushwaha bad ka lah ban dei na kane ka daw, ba ka Sonam ka la shim ia kane ka rai haduh ban pyniap ia u kurim lajong uba la pyndep ia ka jingiathoh, namar ba ka don ka jingiadei bad u Raj.
Ka Sonam bad u Raja ki kyntiew kurim ha ka 11 tarik Jymmang hynrei tang ha ka 23 tarik, kata 12 sngi, u Raja u la shah pyniap noh ha ka jingwan kai jongki sha Meghalaya.
Ha ka jingtohkit ki pulit, ka Sonam bad 3 ngut kiwei kynthup u Akash Rajput, Anand Kurmi bad u Vishal Singh Chauhan, ki la iathuh ia kaei kaba kila leh ia u Raja ha parking Wei Sawdong. Kane ka jingpyniap ia ka u Raja, ka dei namar ba ka Sonam ka don jingiadei barieh bad u Raj, uba ki pulit kila kam ba u dei uba pynwandur ia kane ka jingjia naduh ba sdang ryngkat ka Sonam.
Katkum ka jingiathuh ki pulit na ka jinglap ka jingtohkit, ka jingshah pyniap u Raja ka ai dak ai ksai ba ka dei na ka jingieid triangle hynrei namar ba ka jingtohkit ka dang iaid, lah ban dang mih shuh sa kiwei kiwei ki daw.
Kaei kata ka ‘Triangle Love’, ka Sonam, u Raja bad u Raj
