Shillong: Ki pulit kila ialam ia ki saw ngut sha Mawlakhiat, Wei Sawdong bad sha jaka peitkai ha Mawkma ban pynwandur biang ia kaei kaba la jia ia u Raja Raghuvanshi.
Mynta ka sngi, la ialam ia ka Sonam Raghuvanshi, kaba dei ka kurim u Raja, bad 3 ngut kiwei kynthup ia u Vishal Singh Chauhan, u Akash Rajput bad u Anand Kurmi ba kin batai bad pyni kumno kila pyniap ia u Raja ha ka 23 tarik Jymmang ba la dep.
Ha ka jingshisha, u Raj Singh Kushwaha uba dei u samla ka Sonam ula shah kem lang halor ka jingdonkti ban pyniap ia u Raja hynrei, ki pulit kim shym la ialam satia ia u sha jaka ba pynwandur ia ka jingjia namar ba ha ka por ba ki pyniap ia u Raja, u Raj um shym la wan sha kane ka jylla hynrei u sah sha Indore, Madhya Pradesh hynrei u dei uwei na ki nongplan ban leh ia kane ka kam ryngkat ka Sonam.
U Raj bad 4 ngut kiwei ki dang don mynta ha ka jingtohkit jong ki pulit halor kane ka kam runar jongki bad la set ia ki ha Shillong.
Pynshong ki pulit ia u Raj ha thanat, katba dang ialam ia 4 ngut sha thain Sohra
