Shillong: Ki jingkhang ïit ha ophis ka Deputy Commissioner Shillong, la iohi ba ka satah da ka umbiah kwai, umbiah raja, khoini.
Ia ia kane la iohi na bynta ba mihngi ka building jong ka mala kaba ar, ha kaba ka umbiah kwai ka la pynjngem saw na katto katne ki jingkhang ïit, ha kaba la lah ban dei na ka jingleh sih ki nongtrei katei ka ophis, kiba biah kwai pruit bad pruit na katei ka jaka.
Katba na khmat ka ophis pat ka dur kaba itynnad bad jlih bha bad ka kup ruh da ka dur kaba la dro itynnad ne mural ba don u khlaw bad kiwei. Ia kane ka mural ne ka jingdro ha kane ka jingtei, la plie u myntri ka tnad jngohkai ka jylla kham mynshwa.
Hynrei haba ka bynta ba shadien jong kane ka jingtei pat, la satah ki umbiah. Ia kane ka umbiah lah ban iohi shynna na lynti ban leit sha Kashari District Court kaba don shadien ka DC ophis.
Na khmat da ka dur mural ba itynnad, shadien satah ki umbiah raja, kwai ka DC ophis
