Sillong: Ki pulit kila rah ia ka Sonam Raghuvanshi ha MIMHANS, Lawmali ban eksamin ia ka jingbor jabieng jongka, kaba dei ruh shi bynta katkum ka rukom, ym ba ka don kano kano ka jingpang.
Katkum ka jingtip na u SP ka East Khasi Hills u bah Vivek Syiem ula ong ba kane ka jingrah ia ka Sonam ka long katkum ka jingbthah u Medical Officer, kaba dei ruh shi bynta ban pyndep katkum ka rukom.
Mynta ka sngi Nyngkong, ki pulit kila rah ia ka Sonam ban pyllong ia ka jingpeit bniah ne check-up.
Ka Sonam ryngkat 4 ngut kiwei pat ki dang don ha ka jingtohkit ki pulit halor ka jingshah kynnoh donkti ban pyniap ia u Raja Raghuvanshi.
Ka kashari District and Session Court, Shillong kala ai por 8 sngi ia ki pulit ban tohkit ia ka Sonam bad 4 ngut kiwei pat.
Ka jingialam eksamin ia ka Sonam ha MIMHANS, ka dei ka rukom ban pyndep katkum ka ain
