Krang: Ka Seng Khasi Krang kaba hap ha Hima Sohiong ka la pyllong ia ka shad suk mynsiem kaba ar sngi, kaba kut ha kane ka 15 tarik Jylliew 2025 hapdeng ka jingitphuh iphieng ha kaba ka mariang ruh ka la ai lad bha.
Ia kane ka shad la pyllong shisien shi snem ha madan Nongshiliang, Krang kaba la ai sngewbha da ka riew shimet.
Haba kren halor kane, u President ka Seng Khasi Krang, u bah Khamborlang Kyrsian, u la ong ba ia kane ka shad la pyllong man u snem kumba ju long naduh mynshwa.
Ka jingmut ka long ban ainguh ia u blei nongbuh nongthaw bad shwa ban shad, ka don ka jingknia jingkhriam ka nguh ka dem ia u nongbuh nongthaw ban ri ban iada bad ban pyllait na kano kano ka jingshah pynthut. Ha kane ka shad, la pdiang sngewbha ia baroh kiba kwah ban iashim bynta ban shad da kaba suk bad palei ka mynsiem.
U bah Khambor ula iathuh ba ha shnong Krang, kiba dang don ha ka niam Khasi, ki don sa tang kumba 40 tnum iing eiei bad bun kiba la kylla sha kiwei ki jingngeit. Hynrei watla ka Seng Khasi ka la nang rhem ha kine ki sngi ha ba kiwei kila sdang ban wan phai biang sha ka niam tynrai.
Sa kumba 40 tnum ïing kiba don ha ka niam Khasi ha shnong Krang
