Shillong: Ha ka sien ba nyngkong, ka nongialehkai na Arunachal Pradesh, North-East India, ka la paw ha ka rynsan ka pyrthei.
Ka Hillang Yajik ka la thaw ia ka histori hadien ba ka la jop ar tylli ki takma kynthup ka takma ksiar bad takma rnong na ka bynta ka ri India na ka lympung ’15th South Asian Bodybuilding and Physique Sports Championships 2025′, kaba la long ha Thimphu, Bhutan.
Ka Yajik ka la iakhun ha ka Women’s Model Physique bad ha ka Women’s Swimsuit Physique category. Kane ka jingjop jongka, kan dei ka kynthei kaba nyngkong na Arunachal ban jop ia kane ka jingiakop ha ka rynsan iakop jong ka pyrthei bad ka dei ka burom ia ka ri bad ka jylla jongka.
Haba pynpaw ha ka social media, ka Yajik ka la ong ba mynshem snem kam shym la lah ban poi sha ka thong hynrei kam shym la sangeh bad ka trei kham jur. Ka ai burom ia kane ka jingjop sha ka ri, ka jylla jongka, ka Arunachal Pradesh, u coach jongka, u Subashish Patra bad kumjuh ialade.
Rah ka thei pyllon ksah na Arunachal ia ka nam laduh ka ’15th South Asian Bodybuilding
