Shillong: Namar ka jingpan mab kiba bun ki lad pathai khubor ka ri bad kumjuh kiba haiing hasem jong u Raja bad ka Sonam Raghuvanshi ia ki paidbah ka Meghalaya, ka sorkar jylla ka la sngew hun ban ym iaid shakhmat ia ka jingujor pyrshah ia ki.
Haba kren mynta ka sngi, ka 12 tarik Jylliew, 2025 u nongaiktien ka sorkar u bah Paul Lyngdoh ula ong ba ka jingujor ka sorkar pyrshah ia kito kiba kren bein kren sniew ia ka Meghalaya ka dei namar ba ki don ruh kiba kren pynshit ia ki briew na Meghalaya kiba sah shabar. Hynrei mynta, la iohi ba ki lad pathai khubor ka ri bad kiba haiing hasem jong kito kynduh ia ka jingjia ruh, kila pan mab bad ka la kut noh hangtag bad ka sorkar kan ym iaid shuh shakhmat.
Shwa ban shah kem ka Sonam Raghuvanshi bad 4 ngut ki gang jongka, ka la don ka jingkynthoh sniew ia ka Meghalaya ba ka dei ka jylla kaba sniew namar ka jingshah pyniap u Raja Raghuvanshi hynrei mynta ynda la paw ka jingshisha, kito kiba kren tohmet ki hap ban panmab kylla.
Hun noh ka sorkar na ka jingpanmab kiba pynshit pyrshah ia ka Meghalaya
