Shillong: Ar ngut ki nongtrei ha ka eroplein na jylla Manipur, kynthup ka Nganthoi Sharma Kongbrailatpam bad ka Lamnunthem Singson, kila khlad ha ka jinghap khyndew noh ka eroplein Air India ha Ahmedabad, Gujarat, mynta ka sngi.
Kane ka liengsuin Boeing 787 Dreamliner Air India kaba thmu ban leit buh briew sha London ka mih na Sardar Vallabhbhai Patel International Airport.
Ki bor iarap kyrkieh bad ki kali pynlip ding kila mareh bran bran sha katei ka jaka ban pynlip ia ka ding kaba klang ha katei ka jaka. Katkum ka jingtip, palat 160 ngut ki briew na India bad palat 50 ngut kiba dei na ri England ki shong ha katei ka leingsuin.
Ka Directorate General of Civil Aviation (DGCA) ka la pyllong ia ka jingtohkit halor kane ka jingjia ba sniew bok. Ka daw jongka jinghap khyndew ka liengsuin ym pat lah ban pynthikna. Ha kane ka liengsuin, u myntri rangbah barim ka Gujarat ruh u Vijay Rupani, la iathuh ba u don lang nalor kiwei ki nongleit nongwan.
Iap ar ngut ki nongtrei na Manipur ba hap khyndew noh ka Eroplein mar syn her
