Shillong: U myntri ka tnad jngohkai ka jylla u bah Paul Lyngdoh ula pyntip ba ka sorkar kala ujor ejahar pyrshah ia ki lad pathai khubor ka ri, bad ki youtuber kiba la pynsaphriang ia ka khubor lamler ban pynthoh bria ia ka Meghalaya kum ka ktem ki kam sniew.
Haba kren mynta ka sngi, u bah Paul ula ong ba ka sorkar kan tan ia ki sha ka kashari ba kin ai ka jingpynshai halor kano ka nongrim ba kila shna ba ka Meghalaya ka dei ka ktem ki kam sniew.
Katkum ka jingong u bah Paul, ki don ki lad pathai khubor ka ri bad kumjuh ki youtuber kiba la shna khubor ban pynbudnam ia ka Meghalaya bad ka thain Sohra ba kam long kaba shngain naduh ka jingjia shah pyniap u Raja Raghuvanshi.
Ula ong ba kiba haiing jong u Raja bad ka Sonam ruh kila pyndonkam ki kyntien kiba ktah ia ka Meghalaya haduh ba kila pyndonkam ia ki kyntien ban pynshit pyrshah ia ki briew ka Meghalaya.
Ujor ejahar ka sorkar ia ki lad pathai ba pynjah burom bad pynthohbria ia ka jylla
