Shillong: San ngut ki briew kila shah kem halor ka jingkynnoh donkti ban pyniap ia u Raja Raghuvanshi. Ki pulit ka Meghalaya kila kem ia ki na Madhya Pradesh bad Utter Pradesh ryngkat ki pulit katei ka jylla.
U mynta ka sngi, ka 9 tarik Jylliew 2025, u SP ka East Khasi Hills u bah Vivek Syiem ula ong ba kiba shah kem ki dei ba la tip kyrteng kum u Akash Rajput 19 snem na Laliput, u Vishal Singh Chouhan 22 snem na Indore, u Raj Kushwaha, 22 snem na Indore bad u Anand Kohli 23 snem.
Katba ka Sonam Raghuvanshi kaba 24 snem ka la shah kem hadien ba ka leit ban aiti ha ki pulit ha Ghazipur, Utter Pradesh.
La kem ia kine ki briew 3 ngut ha ka por mynmiet kumba 10 baje eiei ha ka 8 tarik Jylliew. U SP ka East Khasi Hills ula ong ba dei hadien ba la shah kem kine ki briew ba ka Sonam ka la mih na jaka rieh ban leit sha dhaba ha Ghazipur ha ka por 1 baje mynstep eiei.
Kine lai ngut ba kynthup ia u Akash, Anand bad Vishal ki la wan lang sha Shillong bad katkum ki pulit lyngba ka post mortem, u Raja ula shah khyrwit na khlieh nadien bad nakhmat da ka kynja ba nep ha ka 23 tarik Jymmang bad mar ia dep, kine la krad syndon wut ha katei ka sngi na Meghalaya.
Katkum ka khubor SP, u Raj Kushwaha u dei uba ieid ka Sonam uba trei ha ka kam busines jongka bad u dei uwei uba shah kynnoh donkti ban plan ia kane ka kam.
Ki pulit kila lap ksai ia kiba donkti dei lyngba ka mobile phun ha kaba ka la pynpaw ba ka Sonam Raghuvanshi bad u Raj Kushwaha ki ju iakren phon man ka por bad da ki kynta.